Just now ·
قلبي الطيب..1
************
قلبي الطيب سامح يا ما
قلبي الطيب شاف أحوال
كنت بأقوله وليه تتنازل ؟
كان يجاوبني ..كفايه جدال
لو ف الحب ..الحب ظلمنا
ما إتمتعنا ....وشوفنا دلال
هو الشوق من طبعه يرّوح
يفضل ....حبة حب جمال
ويا الذكري نعيش ونغني
زي الموج بيروح الحال
طبع الحب...يمس قلوبنا
مال الحب ...وراحة البال
*************************
قلبي الطيب ...2
***************
الأصحاب من حالهم تضحك
حضن وشوق ..وكلام يتقال
كله كلام من غير ما يفكر
طالع كده .....زي الشلال
بس قوام .......يتغير منك
حب غريب بيروح ف الحال
برضه تسامح يمكن صاحبك
عاوز دعوه .....عشان بطال
إدعي لصاحبك وأعذر حاله
ربك عالم.......... بالأحوال
دعوه تعيش لولادك بعدك
بكره يعيشوا ويبقوا رجال
*************************
قلبي الطيب ...3
***************
واللا وقرايبك..تلقي عجايب
ميخلوش......للحب مجال
يمكن أكون تعبان محتاج لك
أو معذور ....والحاله شمال
أهرب منك ...تهرب مني
كلنا........ساعة الجد عيال
آه لو تسأل عني ...وأسأل
أوصل رحمك لو بسؤال
أعذر وأرفق....فوّت يعني
القرآن ......ورسولك قال
***********************
قلبي الطيب ...4
*****************
الأصحاب مطلوب تعذرهم
طب وجيرانك ...والأفعال ؟
سامح وأصفح ربك يصفح
كله سلف......والدنيا سجال
وصي رسول الله تكرمهم
جار لو جار ..والناس أحوال
إرمي ف ضهرك وإسمح جدا
إوعي يكون .....قلبك شيّال
ياما القلب ....بحزنه إتغطي
يا ما الروح شالت أحمال
قلبي الطيب سامح ياما
قلبي الطيب شاف أهوال
كنت بأاقوله وليه تتنازل؟
كان يجاوبني كفايه جدال
لما ح تعذر.... ربك يعذر
ويعدي لك.. زي ما قال
يبقي حسابك هيّن عنده
إنت جميل ..والجنه جمال
***********************إبداعات الاديب الشاعر فوزي السيد 15/9/2016
LikeShow more reactionsCommentShare
