(( ع المكشوف ))--------------- بقلم وتصميم / شعراوي
تعالى معايا بص وشوف
أنا هتكلم ع المكشوف
بيغير صاحبى ومش مكسوف
كنت بحبه وخاطب وده
لكن كذبه سابق مكره
أه من غدره وسواد قلبه
أبدا عمره م خاف من ربه
هى طبيعته والا ظروف
روحت أعاتبه وشلت الخوف
رد عليا بصوت ملفوف
كبرت دماغى وقلت أروح
اصل انا كده على طول بحبوح
وكمان طبعى كتاب مفتوح
من أفعاله قولت أبوح
وأظهر وجهه بكل وضوح
مع أنه دايما كان مفضوح
فاكر نفسه صانع أمجاد
وناسي أنه من الأوغاد
ياأهل الغيره بلاش أحقاد
حبوا صحابكم بلا أبعاد
خلوا قلوبكم قلوب عباد
