عمره ماحيقدر يصونك
شايفك يدوب شهوة
بيحكى عنك على القهوة
يدوب بتسدي خانة
شايفك يادوب دكانة
بتسد احتياجاته مش اكتر
ولو يوم طلبتى حبه
قربه يبقي الرد
مش حقدر
عمره ما يكون انسان
دايما معاكى حيوان
بالنسباله فريسة سهلة
يادوب تسبيلة على ضحكة وتنهيدة
ولو طالبتيه بالالزام
يبقي الرد بستكتر
بستكتر نفسي عليكى
ولا يوم ابدا دايب فيكى
وعيونك دول ياما اخدوا كلام
بس ملوش لازمة الالزام
ليه نخنق بعض مانقضي وقت لطيف
واللى مابينا يكون خفيف
ولو زارك طيف الزوج
ابدا يالطيف
حتلاقي شئ مخيف
شئ ابدا مش فى الامكان
ولو حبة خلينا زى زمان
بالذمة ده ينفع ليكى
ولا يوم حيفكر فيكى
فكرى انتى فى نفسك
وانسيه وانسى متاعبك
وفكرى فيكى
ايوة فكرى فيكى
فبكرة اللى مستنيكى
وربنا حيراضيكى
ويكونلك نصيب مستنيكى
نانسي محمد
