معرفش ازاى انا حبيتك
ولا امتى وفين
ولا عشت حياتى ازاى قبلك
سنين ورا سنين
لكن أول ما قابلتك
لقيت روحى بتندهلك
والعين فى العين
وتمنيت يرجع عمرى
بنوتة فى سن العشرين
احلامى لسه فى خطواتها
صبية ودايبة فى رقتها
وقلبى كله حنين
معقولة الدنيا تعوضنى
وأعيش فى هواك ايام عمرى
معقولة يا فرحة تقابلينى
وبكل حنانك تحيينى
وبقلبه الصافى تنسيني
أوجاع وأنين
انا أول مرة يدوب قلبى
يشتاق ويعيش وتجينى
ايام فى الحب مكسوفة
وأعيش فى فرحة ملهوفة
تشتاقها العين
على دقة قلبى يغنيلك
وقلبى سابقنى على سنينك
والسكة منين
لو كان الحب يشوف قلبى
يقول ده قلب حزين
مشتاق ودايبةايامه
فى غرام بستان أحلامه
ولا يحلى ليله وصباحه
إلا حبيب العين
وأنا بكرة هاكتب احساسى
وأنا كلى لهفة مجروحة
مشتاقة تقول عن اشواقى
وبقيت فى العشق مكسورة
وبكلم حتى أوراقي
وأصاحب حتى دمعاتى
وغرامك يسعد اوقاتى
وعينيك حلوين
مين قال الحب وهم العاشقين
ده انا بقلبى وروحى حبيتك
فى غمضة عين
.
