ياونتي منها ظلوعي حــطاما .. على عشيرٍ بالهـوى مـات مغبـون
شالوه من دار الحيا للعدامــا .. ومن الحصى وتـراب قامـوا يكبـّــون
من عقب مالفوه بقماش خاما .. قاموا على بيض النصايب ينصـّـــون
مات الحبيب ولا لحق له مراما .. وبالله ياللي تدفنونه علـى الهـون
حطوا نفق له عن سواد الظلاما .. ودي ازوره مثل ناس يـزورون
و أعايده نهار عيد الصيامــــا .. وأقابلـه وأرضـي عيـون يحنـون
عسي اليا سلمت رد السلامــا .. وأهل الهـوى والحـب لازم يـردون
إحساسهم يصدق بليا كلامــا .. وغرامهـم يبقـى ولوهـم يموتـون
ابي اتطوى عند قبره اعواما .. وش عاد لو قال الملاصار مجنـون
شبيه خلي فوق كف النشاما .. حر مـن اللـي بالمقانيـص يهـدون
جنسه قليل وغير خلي حراما .. لا علهـم عقـب الحبيـب يولـون
من أول أكتم حزين الهيامــا ..واليوم بـاح السـد ياللـي تعذلـون
ويلاه كيف الدود يمحى العظاما .. ياكل جسد مضنون عيني وترضون
ارموا بجسمي مع وفي الغراما .. هذا العزا ياللـي بموتـه تعـزون
يا راحل لدار الرضى والكراما .. قل له عشاشيقك من البعد يبكـون
قل له عيون صويحبك ماتناما ..يسهر وخلـق الله بقربـه ينامـون
اما حياة في هنـا والتئامـــا .. والا ممـات اثنيـن بالعهـد يوفـون
هيض عذابي ناحيات الحماما ..ظنـي لهـم خـل بفقـده ينوحـون
نوحوا والله ماعليكم ملاما .. خلوجميع الناس لنوح يوحون
حياتنا غطى عليها الغماما .. واجد اليا عشنـا مـع اللـي يعيشـون
لا وحسافه غاب بدر التماما .. تحت التراب احبيــّــب الـروح مدفـون