قصيدة {الارشيف}
كلمات أيمن البكري
كل واحد مننا جواه أرشيف كبير
مخبي فيه ذكريات وحاجات
وناس كتير
هتلاقي فيه أول دوسيه حبه القديم
أيام زمان لما كان شاب وسيم
دي أول بنت حبها
ودق ليها قلبه
عمل المستحيل عشانها
بس هي إلي ماوقفتش جنبه
إنزل تحت شويه
هتلاقي إلي باعه وإلي خانه
وإلي هده
وإلي سابه في أصعب ظروف لوحده
وإلي سقف وضحك ب أعلي صوته
وهو في عز جرحه
هتلاقي ضحكه
فيها معني لفرحه متتنسيش
بس لما الضحك خلص
الفرحه إترمت في الارشيف
وصحاب ليه فيه ركنهم
هو إلي بعد عنهم
هما إلي شافوه أقل منهم
حسسوه إنوا حاجه مالهاش لزمه
فرحوا لما شافوه في أزمه
أيا" كان السبب
ف النهايه كان الاءرشيف مكانهم
هتلاقي فيه ذكري ل أجمل سنين
أيام الطفوله وإحنا لسه صغيرين
كانت أيام جميله معشتهاش
صوره حلوه ياخساره مشفتهاش
في الارشيف ناس فارقت الحياه
كانوا معني الخير
والحب والمه وكل شئ جميل
راحوا وراح معاهم كل داه
هتلاقي فيه حاجات كتير نسيها
عمروا ما فكر يقلب فيها
يمكن عشان بتوجع
ويمكن عشان مش عايز ليها يرجع
الاخرص قال لل أعمي
حلمت حلم مش فاهم ليه أي معني
هاقولهولك يمكن تعرف تفسيروا
صدقتوني هي دي بقا الرساله
إننا بنصدق أي حاجه مهما سمعنا
سيرة الناس والغيبه والنميمه عشقنا
وخوضنا في أعراض الناس
والشيطان ضحك علينا
أطلقنا السان
وكلام ربنا نسينا
قالوا عليا الناس
مجنون وممسوس ومهووس
قالوا الكلام وألفوه
والغريبه أقرب ماليه صدقوه
بس أنا عارف إيه إلي عاللني
ربنا وحده إلي عالمني
الناس دي تقول ذي ماتقول
مفيش حد فيهم شاغلني
فيه ناس من كتر الفلوس
أرشيفها فاضي
مش هاممها مستقبل
ولا فارق معاها ماضي
بيبصوا للغلابه علي إنهم ضباب
إحنا الغلابه
مش عايزين منكوا حاجه
بس علي الاقل عاملونا
ذي ما بتعاملوا الكلاب
إلي بتربوها وتأكلوها وتدلعوها
ولا إحنا منستهلش حتي
نتعامل ذي الكلاب
يعني إيه أبقه مش لاقي لقمه
وحقي في إيديكم
مش عايزين تدهولي
وعشان تفضلوا إنتوا فوق
أفضل أنا تحت وتلغوا دوري
شئ عجيب وقانون غريب
لما ٢٠٠إسره معاهم كل شئ
وإحنا بالنسبالهم ولا نسوي أي شئ
والمفروض إننا نطير من السعاده
لو بصولنا بس بعنيهم
وعشان يفضلوا هما إسيادنا
نفضل إحنا عبيد ليهم
طيب العدل فين
ولا إحنا بقينا في زمن مخيف
والعد ذيوا ذي أي حاجه
........إتركن في الارشيف
