عم شكل زعلان من بتوع مديرية تموين السويس
كريكاتير/نبيل السمالوطي
فكرة/اكرم الكراني
الكلام داير هنا وهناك عن سبوبة موظف في التموين بالسويس بياخد حصص الزيت والسكر لحسابه وبعدين عم شكل وهو رايح يصرف التموين بالبطاقة لقاها واقفة وبص يمين وشمال لقي١٦ الف بطاقة واقفة كلهم يا عيني فقرا وغلابة ويتامي وعاجزين كمان
ده فيه واحدة يا حاج مجدي قعيدة علي كرسي جات تصرخلهم وولادها شايلينها بالكرسي :هتطلق..هيتخرب بيتي
ده انا جوزي تعبان ونايم ف البيت حرام عليكم
يقوم يرد عليها طنط فتكات موظفة بالتموين ان ملهاش عندهم حاجة واخرها ورقة تصرف بيها عيش علي قد لحافك يا طنط
بالذمة ده كلام...وعمو كمان راح يقولهم يا حاج مجدي ازازة الزيت بقت ب٢٥ جنيه هنجيب كام ازازة يا حاج مجدي يا كبير
وقال ايه لسة المكتب مسجلش البطاقات عشان البرنامج جديد
حوش يا حوااااش
هي الناس هتاكل عيش بالكمبيوتر يخرب بيتكم دانتوا هتولعوا الدنيا وحياة جدو السمالوطي الكبير
يعني انتوا يا حاج مجدي ولا سجلتوا بطايق علي الكمبيوتر
والناس عواجيز مش قادرين ييجوا كل ١٠ ايام عشان المشوار بعيد
وطبعا الزيت بخ..
والسكر بح..
والرز مفيش
والله يرحم ايام ما كنا بندفع فلوس في التموين ايام عم شكل الابن الورور الصغنون
.: عدد زوار الموقع :.
