ليه سيبت نور الحلم ضاع
وتشتكى طعم الحياه
وتلوم كتير طول الصراع
وانت غويت تمشى معاه
ارسم طريقك
شجره ونيل
ضلل ف حر
واروى عليل
اسمع وسمع ضحكتك
وخد خطاوى ف خطوتك
تلقى القلوب ضمتك
ونبضها سر الاله
تسمع انين المجروحين يالمك
وشوق غريب ويا الحنين يعلمك
معنى الوطن ويورى فين الاتجاه
ايد الف شمعه لالف عين تعبت ضلام
وامسح دموع طفل يتيم وارسم ف وشه الابتسام
تلقى النور من جوه قلبك فسكتك نور وبان
ومتشتكيش لحظة ضياع