قصيده/المصرى

لما يقولك ان المصرى بطبعه جبان

يبقى حرام

واما يقولك ان المصرى ضعيف ومهان

او خدام

لما يقولك يعبد قرشه وميهموش غير ملوة كرشه

ومعاه كام

انا هرد باعلى ما فيه واقول دا حرام

عايز تعرف مين المصرى شوف الاهرام

واقرى تاريخه واصله وفصله واضرب له سلام

اللى حفر احلى قناه ومتقولش بسخره او خدام

هرد واقولك طب اكتوبر تشهد انه بطل وهمام

وكل محافظه بشبر بارضه فيها اعلام

ان كان فى ادب واقتصاد او سياسه او اعلام

اللى يشهد كل ميدان انه بطل مش بس كلام

الى يحرر ارضه بدمه من اى فاسد او عدوان

اللى بيسمع صوت ادانه يجرى يصللى للمنان

ولا بيسمع جرس فى كنبسته يقف ويردد معاه بامان

يبقى تقوللى ان الفتنه هتقدر تفنى ملايين ايام

يبقى بتحلم وعايز تهدم فى الاركان

الاركان دى هتفضل صامده

علشان تشهد على ناس جامده

قدرت تقضى على من خان

ويبقى ساعتها الكل يقف له كدا زنهار ويقول له تمام

بقلمى/سحر ابراهيم حراز