بيقلولك كن جميل ترى الوجود جميلا

طب ازاى واحنا الحزن كاسنا كل ليله

والايادى نمدها لابسط حقوق بنلاقيها مستحيله

وياما ناس فرشها اسفلت الطرق وغطاها ستر الليالى الطويله

يبقى ازاى نشوف جمال والظلام هو الامل

ومفيش نجوم ولا قمر طلعوا فى ليله

قوللى ازاى يبقى الجمال جوا العيون والحرمان من الطعام افضل وسيله

ولا ازاى نشوف جمال واحنا ملناش بيوت بتلمنا فى حضنها ونحس مره ان احنا عيله

والا ازاى راح ندى فرحه ونلبس بلدنا الطرحه واحنا ادينا م العوز دايما عليله

يا ما سمعنا فى الاغانى فى الطريق عمى وديع بيقول بلدنا دى عظيمه

وكان نفسى احس العظمه فى حضنها لقيتنى اندفنت فى قبرها وانا لسه حيه وقليله الحيله

وزىى كتير من الشباب اتحطموا سافروا بعيد واتغربو

ورجعوا لينا مكسورين بنفوس ذليله

م المهانه والالم فى جوف الغربه

وناس بتنهب ملايين عايشين فى خير هم

دول بقى اللى الحياه تبقى فى عيونهم جميله