يا محللين دللونى عدوى فى بلادى مين

اهلى فى بلاد الطيبه ولا فيه ناس تانيين

غمونى واوعو تقولو ا من بلدى ناس خاينين

حتى فى رمضان الطيب الرحمه راحت فين

ايدهم فى ميدان تحريرنا بتجرح قلوب ثايرين

والذنب كلمه حق عايزينها تعلى سنين

لامته تكتموا صوتنا حرام يا مصريين

انتم شعاع املنا ولا للنور طافيين

انتم جدار امانا ولا سجن الانين

كلمة الحق تعلى لو اتكمت سنين

لان الحق اقوى من كل الظالمين

صوته عايش مايموت لومات اجيال شايلين

فالارض ينبت صوته اجيال واجيال جايين

بقلمى/سحر ابراهيم حراز