الدنيا خداعه وناسها بيكدبوا
حبايبك بس ساعه
وف سيرتك ينهشوا
محدش عايز حاجه
من حد وافهموا
صدق المشاعر نبته
فى قلوبكم تحصدوا
بلاش غش المشاعر
والبسمه فى الوشوش
والقلب ناره تحرق
ياللى مبترحموش
القلب الطيب نادر
فى زمانك توصله
ويوم ماتلاقى واحد
حقك تحضنه
ماتخللى حد غيرك
فى الدنيا يسكنه
القلب الطيب بقى نادر
اكتر من الدهب
وف حزنه دايما ساكن
من حرقته بلهب
الغش وحقد داكن
فى قلوب
من غير سبب
لكن مسيره يفرح
بطيبته وحنيته
عشان عمره ماخان
معرفته وعشرته
عشان كده هيفضل
الخير دا زرعته
يحصدها مهما طال

حزنه وقهرته