تحكي والدة طفلة من يجي شهرين بنتي جالها عريس كبير في السن جايبه واحد سمسار والزوج هنا سعودي تجاوز الثمانين والعروسة 15 سنة وطلقت قبل مرور عام على الزواج.
الزواج تم بعد أن انتهت الفتاة امتحانات الشهادة الإعدادية والمهر 3 آلاف جنيه والشبكة "دبلة ومحبس" قبل الزواج، ووعدها أنه سوف يشتري لها شبكة من السعودية وبالفعل عندما عاد من بلده قدم لها الشبكة وكانت عبارة عن 12 غويشة وكف دهب من كثرة الدهب تشككنا إن يكون غير الحقيقي فذهبت به إلى الصائغ وفعلا اكتشفت إنه قشرة يعني فالصو وتكتمت على الأمر حتى تستمر العلاقة الزوجية بين ابنتي وزوجها لكنها رغم ذلك لم تستمر ووقع الطلاق بعد 8 شهور قضى فيها أكثر من شهرين في السعودية.
وتكمل الأم كنا غلابة جوزي عامل حداد مسلح أرزقي وعندنا 6 عيال وكانت بنتي بتشوف بنات كتير من القرية بيتجوزوا من عرب وبيسافروا لبلادهم وتحسنت حياة أهالي البنات من بعد الجوازات دي وكانت بتقول لي شايفة فلانة لابسة دهب في إيدها كتير وهدوم جديدة والخير بان عليها وعلى أهلها وفي يوم راحت تصلح الكاسيت عند محل أدوات كهربائية وكان قاعد هناك واحد سعودي وسألها صاحب المحل أنت مين فقال لها الراجل السعودي عايز يتجوزها وفرحت البنت وطلب منها صورتها فرجعت البيت بسرعة وأخذت صورتها وأعطتها للسعودي وحكت لي على اللي حصل قلت لها إن ده السمسار.
حاولت منع هذه الزيجة ولكنها قالت لي سوف أشعل النار في نفسي لو منعتيني من هذه الزيجة وأنا مش زي غيري وعايزة أعيش أحسن من العيشة بتاعتنا وأبوها وافق في اآخر وأخذنا المهر وجه السمسار والمحامي وعقدوا الجواز وأجر لها شقة في القرية وأخذها ومشي.
تمسح الأم دموعها قائلة : كنا عارفين إنه اتجوز أكثر من 15 بنت قبل كدا من القرية وعارفينه كويس هو والسمسار وسمعنا انه بيسحر للبنات عشان تتجوزه .
وفي أول زيارة للبنت لينا اشتكت من العلاقة الزوجية وهو سابها وسافر للسعودية بعد شهر من الجواز ولما رجع كان بيضربها على اعتبار إنها متبرجة وكان بياخد عقاقير منشطة ويضربها ويتهمها بالبرود وكان بيعاشرها معاشرة غير شرعية ولما كانت بترفض كان بيضربها وفي يوم طردها من الشقة ورجعت لبيت أبوها ويومها أخذتها من إيدها وقلت لها تسترضيه لكن تكررت نفس الحاجات والبنت تعبت منه ولما سافر رحنا أخذنا كل محتويات الشقة وسبناها له على البلاط ولما رجع حب يعمل محضر في الشرطة أو يطلقها وساعتها ضربته بالنعال لغاية ما طلقها أصلي كنت عايزة انتقم منه زى ما كان بيضرب بنتي..
بعدها بنتي اتجوزت واحد من أهل القرية وفي يوم زفافها اكتشفت إنها لسة بكر .
ساحة النقاش