لما تقع مِنِك
محمد ضباشه
ما هي لما تقع مِنِك
في السكة حروف أسمى
ويحس قلبي بأنك
غيرتي خطوط رسمي
وتغمض عيون قلبك
عن قلب بات مجروح
حبه يصرخ ألم
من غدر حبيبة الروح
وشمسه تشرق دموع
والهجر ريحته تفوح
يبقى اللي باقي سراب
وكان حبي ليكٍ حرام
والكفر يسبق ايمانى
بأنك معايا تمام
وتاخدنى خطاوى الجبر
إلى بحر نسيانك
وأقول لقلبي كفاية
تكتب في أركانك
كل حروف اسمها
وترسم على الجدران
أبيات ديوان حبها
وأنت البعيد خسران
عايش على وهم
طارح أسى وحرمان
وألحان أصابها الشجن
ودموع تطفي شموع
تصحي ليالي الندم
عن حب صار مقلوع
أوراقه تشكى سنين
من حبي وآسايا
وشوقي ويا الحنين
أيه عملوا ويايا
ولما شاخ الصبر
بصيت في مرآيا
ما لقيت خطوط رسمي
ولا حب جوايا
ولا لقيت قلبك
يابه لنا مفتوح
ولا حتى دقاته
ممكن بالحقيقة تبوح
خيم عليها الصمت
وخدنا لدرب فراق
وحلفت عيونى ما تكتب
تانى عن العشاق
وتداوى باقى العمر
جرح ورا التانى
ودايما تسأل سؤال
ليه أنت بايعاني
وليه تقع مِنِك
في السكة حروف أسمى
ويحس قلبي بأنك
غيرتي خطوط رسمي
