ياربى ليه دايما كده ؟
محمد ضباشه
ياربى ليه دايما كده
بنشوف وشوش متغيرة
لابسين قناع المصلحة
فى دنيا حاجة صغيرة
وواخدينا تملى فى سكك
الخطوة فيها قصيرة
ولما ركبوا على الكراسى
شوفنا القلوب متعكرة
دايما نشوفهم على الشاشات
بضحكة خارجة مدورة
تقعد تلففنا وراها
على لقمة ناشفة مكسرة
وعلى هدمة ملبوسة سنين
لناس حالتها مأشفرة
على شقة ولو حيطانها طين
لناس حالتها مقصرة
لحد أمتى ناكل وعود
وبطونا فينا معصفرة
تملى تصوصو على الأمل
جوه عقول متحجرة
