فاطمة - قصة قصيرة للكاتبة شمس الدجى

****** فاطمه ***** /// بقلمى //شمس الدجى//2015/3/18
============
انا اسمى فاطنة فلاحة مصريه ... من قريه ريفيه من مصر ام الدنيه .... انا ست زى اى ست فلاحه عاديه .... تعليمى يادوب على قدى ... يعنى اعرف افك الخط بالتيله ... يعنى اعرف اقرا واكتب كدا بالمفهوميه ....اصحى من نومى الفجريه ... اتوضى واصلى لرب البريه... انزل حظيرتى احلب بقرتى .... اطلق فراخى وبطى .... اوكل طيورى ولم البيض وازغط البط... واروح اصحى عيالى من نومهم لجل يروحو مدارسهم ... افطرهم والبسهم ...واسرح الغيط ازرع وساعد جوزى ابو عيالى ....ماهو برضه بيشقى ويتعب ليا انا وعيالى ... لازمن اساعده وده فرض عليه ....مقلتلكومشى انى عندى من العيال تمانيه .... فيهم الكبير والصغير وفيهم اللى شيلاه على اديه... ياسلام ياولاااااااد تعبتونى غلبتونى بس برضه انتو ضى عنيه....لو فيكم حد تعب ولا اتعتر قلبى بيعل عليه ....بسال ربى وبدعيه انه يخليكو ليه ....واشفكو ربنا طرحلى البركه فيكو وتبقو فى مراكز عاليه .... منى عينى وعين ابوكو على كد تعبنه وياكو تكبرو وتبقو نجحين فى حياتكو.... اشوف سيماعين مهندس واشوف هنيه دكتوره ... وعلى ابنى ظابط وسناء محاميه ... وكمان نفسى اشوف محمود مدرس كد الدنيه .... نفسى ربنا ينولنى منايه وتحققو ياولادى اللى بتمناه ... الكلام خدنى والعيال زمنتهم جايين من المدارس ..... اقوم اولع الفرن واخبز العيش اللين واولع الكانون واطبخ للعيال .... واخد البلاصى واروح املاه مايه ... واخد الاواعى واروح اغسلها تحت الحنفيه ..... لجل ماحط فيها الاكل للعيال وابوهم .... ياااااااااه كل يوم على دا الحال ... حيلى اتهد وظهرى انكسر ....بس على قلبى زى العسل... وعارفه ان ربنا قال فى القران ان الجنه تحت اقدام الامهات ... وكمان ربنا كرمنى من فوق السبع سموات ... وكمان الرسول صل الله عليه وسلم وصى علينا وقال استوصو بالنساء خير وكمان قال رفقا بالقوارير ... وان احنا شقائق الرجال يعنى ربنا قال " وخلقنا لكم من انفسكم ازواجا لتسكنو اليها وجعلنا بينكم موده ورحمة " صدق الله العظيم ... امال ايه انا فاهمة ومتعلمه ما هو انى ام العيال والجنه تحت اقدامى.....///// بقلمى شمس الدجى ،///، اهداء منى لكل ام كل عام وانتن بكل الخير والسعاده يارب###