انت مدير مبيعات ....مندوب مبيعات .....وألا عاوز تشتغل فى المبيعات ... وتكسب كتييييييييييييييييير , طب عاااوز تعرف ايه هى مميزات مدير المبيعات الناجح ..... ادخل وشوف و بعد كده تعال اقولك ازاى تكون مدير مبيعات نااااجح بشهادة زملائك و مديرك و الاهم طبعا حجم المكسبhttp://ar.marketing.com.ps/2009/05/salesma/
دلوقتى انت خلاص قررت انك تكون رجل مبيعات او بالاخص رجل مبيعات ناجح ..... توكل على الله و اعمل إللى حتقراه مع البرمجة اللغوية العصبية:
اولا : حب عملك و لازم تكون مقتنع بوظيفتك و فخور بيها لانك لو مبتحبش إللى بتعمله و شايف انه حاجة كويسة و مقتنع تماما انك ممكن تكسب كتير منه مش حتنجح فيه।
خدها قاعدة !!!! انك لازم تبذل كل جهدك علشان إلى قدامك يقتنع و يشترى منك وتتوكل على الله و لو ليك نصيب فى البيع حتبيع , يعنى تعمل إللى عليك و الباقى على الله , و تاكد ان ربنا مش حيضيع مجهودك ابدا.......
ثانيا:لازم تكون مثقف و تكون واسع الافق و عنك معلونات كتير علشان تقدر تلاقى مجالات للتحدث الى الزبون حتى فى غير موضوع البيع علشان الزبون ميحسش انك جاى علشان تخليه يدفع فلوس وخلاص......
و طبعا متنساش اهم حاجة انك تكون مبتسم علطول و يكون وشك بشوش ,لان ده اهم سبب يخلى الزبون يتقبل منك و يطمنلك....فالرسول "صلى الله عليه وسلم قال: " تبسمك فى وجه اخيك صدقة" و نصيحتى انك تخلى الابتسامة علطول ملازماك فى كل مكان علشان تحبب الناس فيك و تأخذ صدقة كمان......
و افتكر انك مش بتشتغل لوحدك اكيييد فى ناس معاك تانيين علشان كده لازم يكون فيه حب و مودة بينك وبيم زملائك و ميكونش فى نوع من الغيرة و الانانية و حب الذات لانك وزملائك بتمثلوا مع بعض فريق عمل واحد وهدفكم واحد علشان كده لازم يكون فيه تعاون علشان تنجحوا كلكم و افتكر ان "ايد لوحدها متسقفش"
ثالت حاجة انك متحاولش انك تدفع الناس و تجبرهم على إللى انت عاوزه و تحاول تفرض عليهم رايك , على العكس انت مفروض تحط قاعدة عندك ان إللى قدامك اذكى منك و مش حتعرف تخدعه باى كلام وخلاص , و المفروض تخليهم هما إللى يوصلوا لهدفك و النقطة إللى انت عايزها بنفسهم وبطريق غير مباشر منك.....يعنى حاول تشرحلهم مزايا المنتج بتاعك و تخليهم ينبهره بيه و هما إللى يطلبه المنتج ده
وحاول تعطى للزبائن تجارب ناس قبلهم او امثلة حية لفوائد المنتج بتاعك.....
واخيرا حاول تفهم إللى قدامك وتتعامل معاه على قد فهمك لشخصيته..... وتشوف نقط الضعف عنده و تحاول تلعب عليها بهدف اقناعه , طب السؤال ؟؟؟ ازاى اعرف ضعف إللى قدامى؟؟؟؟؟ و الجواب زى مقلتلك فى البداية حاول تفتح مواضيع عامة و شخصية مع الزبون بتاعك , بس فى حدود ......................و بكده نكون شوفنا ازاى بالبرمجة اللغوية العصبية قدرت تكون رجل مبيعات ناجح