يارب عدلك
----------- 
الظلم شادد حيله فيا وهدني 
إن كان دا عدلك زيدني منه وهات كمان  
-
إنت اللي قايل مين تحبه المبتلي 
إغسل يارب الذنب مني ومن زمان 
-
أنا من عبادك ياللي يوم ماسبتني 
قمت ودعيتك لجل عدلك فيه أمان 
-
الناس قالولي انك يجوز ماتحبني 
إغفر ذنوبي ان كنت عاصي وألعبان 
-
انت اللي عارف واللي شايف ردني  
الحب ليك ودعيت إليك إنت الضمان
-
عارف إيماني وخوفي منك شفتني 
وان كان بقصر يوم فـ حقك راح يبان 
-
إغفر ياربي وقول دا عبدي يحبني 
بدعيك ياربي وقلت حسبي وليه أوان
------------------------------------------
بقلمي 
الشاعر هشام عوض 
الخميس 
31 مارس 2016م