رضاك يارب  
-------------
ظلمتني الدنيا ومش ساكته ولسه بتظلم 
عماله تقطع من لحمي وبتهزمني 
وانا عايش صابر متحمل مش بتْظلِّم 
والأزمه تعدي من التانيه وبتألمني
-
مظلوم متقطع من جوا وعايز حقي 
عايز مـ  الدنيا تريحني حتى بموتي 
أنا أصلي ونالني كتير منك ولابتِرقِّي 
ياسود أيامي وأحزانها إمتى تفوتي 
-
الناس مابقتش اصحاب رحمه حتى لثانيه 
نسيوا انها زالت من غيرهم وصلت ليهم  
ظلم وإجرام والجور فيهم وحاجات تانيه 
فاكرينها هتفضل تديهم وتخليهم
-
يارب الرحمه ومن عندك غيرك لأه 
وان كان من عندك أنا راضي هاتلي وزود   
إقتص يارب وطهرني لحد ما ترضى 
اغفرلي ذنوبي وريحني وهتتعوض  
--------------------------------------
بقلمي 
الشاعر هشام عوض محمد 
الخميس 
10 مارس 2016 م