يارب 
------
أكتب وأقول من حرقتي  
هانت خلاص 
وادعي يارب فـ وحدتي
الظلم حاس 
والشوك ماليلي  مخدتي 
فـ الراس وغاص 
العدل  فين من دنيتي 
والناس ياناس 
-
هو اللي يسرق لقمتي 
هنقول دا ناس 
ولا اللى يقتل فرحتي 
ياناس دا ناس  
ولا اللي ياخد هدمتي 
وعليا داس 
إزاي يكون من ملتي 
ونعِده ناس 
-
أنا ليك دعيت من محنتي 
قلت بحماس 
يارب شايف بلوتي 
والمر كاس 
مظلوم يارب فـ غربتي 
غيتني بقصاص  
أو هات نهايتي وأخرتي 
نفسي الخلاص
------------------
بقلمي 
الشاعر هشام عوض 
الخميس 
3 مارس 2016 م