بس قولي  
---------
قولي ليا 
طفي نار الشوق شويه 
إنتي ليا 
ولا رايحه ومانتي جايا 
-----
حبه حبه 
قلب هو ومش حديد 
بالمحبه 
مش بقسوه ونار تقيد 
----
كل مره بقول بحبك 
بلقى صدك من جديد 
كل يوم بشتاق لقربك  
وانتي عندك كان يزيد 
-------------
القسيه ماهيش فـ طبعك 
ليه تلاوعي القلب ليه 
أصل قلبي وكان متابعك 
من زمان وهموت عليه  
لو تشاوري بطرف صابعك 
أو برمش العين قوليه 
يجي يوم وارتاح فـ قلبك  
ولابس غرقت فيه
----------- 
حني حبه وحسي بيا 
قولي أيوه وفين تروح 
هي كلمه ومش قضيه 
والغرام مايكون لحوح 
لو فـ قلبك حب ليا 
قولي أيوه وليك هبوح 
بيها ترجع روحي فيا 
تشفي قلبي من الجروح
----------
أو خلاص يانور عينيا 
قولي قلبك فيه غرام  
بس شوقك مش عليا 
كان لغيري ومش حرام 
رغم إنك ساكنه فيا 
همشي وابعد والسلام 
واللي مش ماسكاه إيديا 
إني أحبك فـ المنام 
----------------------
تجربه جديده لاغنيه عاميه 
بقلمي 
الشاعر هشام عوض 
الثلاثاء
23- 2 - 2016 م