اللي عاوزه  
-------------
حاسس بقلبي ومن جديد  
عمال بينبض بالأمل  
فرحان بجد وبان سعيد 
معرفش إيه هيكون  حصل 
يمكن يكون اليوم دا عيد 
ولاعزيز ويكون وصل 
ولا اللي قلبه وكان  حديد 
عاد من جديد ولا اتصل 
-
حيران بقاله كتير حزين 
مهموم من اللي بيعشقه 
يديه محبه وهو فين 
يكدب عليه ومصدقه 
ودا اصله قلبي وعارفه مين 
يكويه فراقها ويحرقه
والقسوه طبع وشيء دفين 
حسسني زي ما بسرقه 
-
كل اللي عاوزه وكان زمان 
إن المحبه تكون أكيد 
مش يوم محبه ويوم جنان 
ويومين قسيه ويوم  عنيد 
الحب إيه غير توب حنان 
وانا قلبي عاش محروم وحيد 
كل اللي عاوزه وفيه ضمان 
 هنعيش حياتنا وأيد فـ أيد
----------------------------
بقلمي 
الشاعر هشام عوض 
الاحد 
21 - 2 - 2016 م