آمين 
------
وياكي سنيني وعدت 
وانا كنت فاكرها يومين 
وكأن إمبارح بدأت 
ويادوب غمضت العين 
-
فتحت لقيتك جنبي
البدر قصادك مين 
ودخلتي بسرعه لقلبي 
إستسلملك مسكين 
-
الحب دا أصله حكايه 
معرفش بتيجي منين 
وحكايتي معاكي روايه 
يحكوها الناس بعدين 
-
العين مابتعرف نومها 
الا اما تشوفك فين 
ودي نعمه يارب تديمها 
لو عمري يكون ألفين 
-
العين هوصفها بدايه
واظلمها واقول حلوين 
أصل عيونك دول آيه 
تسحر فـ المره 200
-
ولارموشك والتتي 
وجبنينك والخدين 
وجمالك دا مجنني 
من شوقي انا دبت حنين 
-
والقلب يقول دي دوايا 
وان بعدت لو ساعتين 
النار تنقاد جوايا 
وأعيش فـ الدنيا حزين 
-
طب أعمل وياكي 
ماخلصتش مـ اللايمين 
من بعد وصابني هواكي 
بيقولوا يارب يعيين 
-
وانا بدعي يارب معايا 
وبدال العمر اتنين 
ومقلش أكيد بكفايه 
أمّنت وقولت أمين 
----------------------
هشام عوض 
الجمعه 7-8-2015م