منك لله 
---------
منك لله بدعي عليكي 
منك لله 
ولاعاوزك تيجي ولا أجيكي 
ولا ده ولاداه 
الصبر بيشتكي من صبري 
ويقول الآه 
منك لله إنتي ياقدري 
ولا ليا سواه
-
إيه ذنبي عملتوا ونتحاسب 
إكمني بحُبك أنا مغرم 
ولاانتي عشان حبك غالب 
وعرفتي ان انا بيكي متيم 
-
ولا انتي فـ طبعك مغروره 
ننعالي بحسنك وجمالك 
بتشوفي الناس بيه مبهوره 
زودتي فـ صدك ودلالك 
-
مش هنكر فعلا مزيونه 
وفـ حسنك ما أظن اتنين 
لكن من طبعك مجنونه 
وجنانك طلعلي العين 
-
أنا عاوز من جنب جمالك 
لحنانك وبعيني أشوف 
ولحبك مش بس دلالك 
أنا عاشق ودك ملهوف 
-
من غيرهم مش عاوزك لحظه 
ولاحتى أشوفك فـ طريقي 
عّرفتك لو كان مش عارفه 
أنا جد اتكلم وحقيقي 
-
لجمالك ويجوز أشتقلك 
وأشوفك أتمنى أنول 
وأأقولك لما آجي واقابلك 
من ردك وبكون مذهول 
-
فينه حنانك فينها أنوثتك 
راحم جوا غرور إحساسك 
مش لجمالك جنبي وعوزتك 
كنت فـ حبك تفسي حماسك 
-
نفسي أشوفك زي ماشفتك 
أول مره ظهرتي قصادي 
زي زمان من يوم ما عرفتك 
يوم ماسكنتي فـ قلب فؤادي
----------------------------------
هشام عوض محمد 
الخميس 30-7-2015م