.‫# ‏صورة_طبق_الأصل‬
هيا هيا نفس شكلك
نفس صورتك نفس نبضك
زى ما تكون الملامح
صورة تشبه بعضها
حاجة فيها موتتنى
وحاجه منك رجعتنى
وانتى أصلا نسخة منها
لو وقفتى جنبها
هيا ف بداية الحكاية
فرحتنى...وعيشتنى
حالة ممكن تتوصف
بالفرح أو كل الهنا
بس طبعا كان مؤقت
و ف ثوانى ضيعتنى
وعذبتنى ...وموتتنى
وعشت متعذب أنا
وانتى جاية تفوقينى
بعد موتى بعدها
عشت أيامى وسنينى
بمحى لسة ف شكلها
واما جيت اتبرا منها
تيجى انتى بشكلها؟؟
حتى لو كانت ملامحك
مش بتشبه ..أو بتشبه
بس قلبك ..نبضه يشبه نبضها
كل ما ارفع عينى فيكى
ابكى والعن شكلها
أيوا طبعا انتى غيرها
وهيا اصلا مات ضميرها
بس ف بداية الحكاية
جيتى باكية زيها
لو هسيبك غصب عنى..
مش هبيعك وقتها
انتى اصلا مش بإيدك
ليه تشيلى ذنبها
بس يمكن لما نبعد
هقدر انسى ولو صورتها
وانتى هتلاقى نصيبك
بس ارجوكى تسيبينى
واقفلى عنها الكلام
هيا واحدة لقلبي باعت
سلعة بايرة والسلام
بكرة هقدر اعيش حياتى
مش هتفرق لو نسيتها
هبنى للفرحة ف حياتى
لو هترسي جنب بيتها
بكرة هقدر اقول دى كانت
وانسى أصلا اجيب سيرتها
......صورة طبق الأصل ل محمد عامر الشاعر