لسه بتسألى 
............................
أيوة بتألم سكات 
أيوة عارفة إنى هويتك 
عمر فايتلى ...
الآهات 
أيوة خايفة انى أكون لك 
حلم تايه فى الظنون 
كبريائى خان دموعى 
ولّا دمعى..... لو تخون 
فِكرْ واخدنى ساعات
إنى عاشقة .؟وهم
يمكن
خايفة منه ...............مستحيل 
خايفة مِنِّى ..
أقتل الحلم الجميل 
خايفة أضعف 
والتقينى جوّة إحساسى البخيل 
واظلمك
واظلم القلب اللى خلانى........
......... أطير
عشت جوايا ..حزينه 
راضية ..تخنقنى المدينة 
وابتسم لما التقينى 
ضلع تايه م السفينة 
...........................
يا شراعى 
يندهك صوت السواقى 
أرضى بــــور
عششت جوايا .............
أحزان الصـــخور 
حتى فرحى 
ناسى إنى طيبة 
بنت القصور 
عشت جواك قد إيه ؟
ساعة يمكن ؟؟...أو شهور 
عشت جوايا.............. زمن 
قلبى بايع قوِّته من غير تمن 
والتقيتنى جوّة حرفى بندفن 
والتقيتنى جوّة دمعى........ والكفن 
موتِى فيك ..
أجمل حكاوى الذكريات 
ياللى عاشق دنيتى ..................................معنى السكات