حبيبتى ...بحبك
أول مره فتحت عينى
كان على صورتك ..
وأول مره أتعلمت المشى
كان على أرضك
كبرت .. وطولت ..
وأنا بجرى فى براحك ..
أتعلمت حبك ..
و بحبك عرفت ..
خطئى وصوابك
ياضمتى يافرحتى
ده انا أموت بدالك
لو شئ صابك
ياحضن الدفا ..
يا أرض الوفا ..
ولو فى عشه
جنب نيلك
أسافر وأشوف
بلاد غيرك ..
ولا يعجبنى غيرك ..
بسرعه أرجع وأجيلك
وأناديلك ..-ده أنتى
صبحى وأنا ليلك ..
نورك منور قناديلك ..
ياست الحسن ..ياسندريلا .
يا قمر الزمان ..يا بدر البدور ..
انا من عشقك جيت ..
وعلى زرعك أتربيت ..
أغيب عنك ألاقينى حنيت .
أرجع أبوس ترابك ...
وأخليلك خدى مداس
وأقف فى ضهرك
أحميكى وأحرسك
لو كلب فى يوم داس
يموت قبل ماأعيش
من غيرك ياأم الناس
بـحبـــــــــــــــــك
يامـــــــــــــــــصر
...............

بقلم ..مروة الخطيب