(( الدنيــــــــــا نااااااار )) .... بألمى 

حاجه تخلى العقل يشت .. يشت ايه ؟؟ .. وهو طار
الفلوس من جيبى طايره .. وكأن جيبى .. يشبه مطار
بقى كل شئ مافهش بركه .. حتى القوطه .. تمنها نار
النهارده عملت راجل .. قررت انزل .. أجيب خضار
لمحت بعينى عربيه كارلوا .. وراجل كدا !! .. ماسك حمار
قلت تمام راجل همام .. وبضاعته كامله .. من الثمار 
كرنب وبطاطس .. وكمان سبانخ .. وقوطه حلوه بالحمار
حاجات كتيره من غير عدد .. بس تمنها .. يجيب دمار
اشتريت من كل حاجه .. كيلو بس .. ودا كان قرار
قلت أشمر واقول حسابك .. قالى رقم .. جانبيه أصفار
يقصد واحد جنبيه صفرين .. قلت يالهوى .. على المرار
امال هجيب لحمه بكام ... عايزلى واسطه .. حدى جزار
ورحت فعلا قاصد حماده .. جزار غلابه .. جنب الدار
كان عشمى فيه انه يخفض .. اتاريه طلع .. كمان غدار
قالى ياباشا بستين الكيلو .. ومعاه شغت .. من غير فرار
قلت ادفع أحسن ما يغضب .. سكينه حامى .. والضرب عار
ورجعت بيتى تايه بفكر ... قالتلى زوجتى ... الدنيا نار
علشان تعذرنى وتفرفط حبه .. العيشه صعبه .. والعقل فار
وأمانه تكتب ما دمت شاعر .. عن الغلا .. وعن الاسعار
اكتب هموم بلدك وناسك .. وارسم حياتهم .. فى الاشعار 
فقلت أكتب اللى حصل .. بكل أمانه .. عن الخضار وعن الحمار وعن المرار وعن الاسعار .. بس خلاص
....................................................................................
( زين العابدين خضر )