أصدق معاني العشق .... بقلم / ياسر التومي

.لما مال العود وقال

يالا حعزف للجمال

لما غنى الورد لحنه

من حنانه الشهد سال

لو حتسأل يا حبيبى

دى الإجابة ع السؤال

ده أنت حلم الُعمر كله

ده أنت ساكن الخيال

لو بعدت عنى يوم

يبقى بُعدَك شئ مُحالْ

المشاعر جوه قلبى 

والله زارعة شجرة طارحة

لو دخلته فى أى لحظة

ح تلاقيه ب فستان وطرحة

أوعى تُخرج منه تانى

جوه منه تشوف حنانى

لو في لحظة تهت منك

هو ح يقولك مكانى

بس أوعى تقول لقلبك

إن قلبى كان أنانى