توب المحبة...... بقلم / الشاعر محمد ابو الفتح

توب المحبة
يااللي من الحريرلابس التــوب والوش عابـس بالغرور وربــك ده رب قلــوب
غاسل توبك ماشى تتغندرمتعطرونضافة القلب اهم من نضافة البـدن والـتوب
سيبك من الهم و اللي يغم كل شيء في النهاية بالـقدر في الكتاب مـكتــوب
واصبرعلى حقك وطالب ولاتسكت واياك ترضي في الحق يوم تبات مـغلوب
وقول يارب دايما دى كلمة يارب تخللي اي جبار وأي ظالم يبـــات مرعـوب
وداري عينك عن عيوب الخلق وبص في المراية حتلاقي نفسك كـلها عيـوب
وخليك صابر علي بلوتك وخليك فاكر استاذ الصبر جدي وجدك الكبيرأيوب
واتواضع لربك ده كله في التراب بيتساوي زبيبة زى عبلة وعنترزي شيبـوب
واعمل الخيروما تنظر كلمة شكر من بشر ده عند البشر دايما الميزان مقلوب
واوعي يغرك المال ده صاحب القلب الابيض بس من ربه ومن العباد محبوب
ده صاحب المال لما يفلس تلاقي كل البشر حتي الخسيس منهم بيحدفه بالطوب
والحق لنفسك توبه قبل النومه يا ناصح ده احنا بشر وكل البشرمليان بالذنوب
دي الدنيا فانية وقيامة قايمة يا خلق وعند ربك بس ميزان بالعـــدالة منـصـوب
واياك تغرك عزوتك والاياحلو طلعتك يومها لاخال ولاعم في الحساب حينوب
محمد ابو الفتح