ولا بنموت ...ولا عشنا
ولا فرعون بيرعشنا
ونشرب شفطتين الشاى
و هما يدوب غموس عيشنا
ساقونا سنين ولا شفنا
سقونا المر من خوفنا
كتبنا أمين على كفوفنا
نظام واتنين كمان تالت
وطاح فينا عيار فالت
بنعدل فى الامور مالت
ولا احنا فصيل ولا اتباع
ولا واخدين من اللى باع
ولا خنا عشان نتباع
باحب الجيش قوى جدا
وصوت الفجر لو يدن
واشوف الشيخ مع القسيس
ولا يفرق معايا رئيس
يعيش مين مات على الجبهة
ومات مين عاش على حسابها
بلدنا يا حتة من روحنا
وضحكتنا اللى فى جروحنا
من الاخر مليش غيرك
ولحم كتافى من خيرك ...
ساحة النقاش