كنت بعاتب دايما نفسي
ليه كده عايش ف مرار
بكره الفجر جاي يجري
بالبشاره وشابل الاسرار
زودت صبر على صبري
جايز العمر يبقا ليه نهار
يمسح الحزن ويا دمعي
والفرح يسكن جوا الدار
اتاري ده كان يوم حلمي
يوم ورا يوم عدى وطار
كاس المر نصيب وبختي
و مين فينا قدره بيختار
قضيت فيك يادنيا عمري
زي ما كتبت ليا الاقدار
مش هاعاتب تاني نفسي
ولا هاشكي في يوم مرار
================
مش هأعتب تاني نفسي
خرااااااابيش
الشاعر مجدي فرحات