مشوار..
 ............

يا كتر خوفى..
لحظة خروج الصرخه من جوفى
لحظة دخول الشمس
فى العينتين
والكف بيسقف على الرجلين
والناس بتتفرج عليا
زى دلوقتى 
وانا زى نطاط الساعات
منتظر وقتى
طمنى يا بختى
ابن الحزن..لو خلف ..يخلف إيه؟
 مبروك عليك الولد:
مبروك عليكى انتى
ارتاحى يام الغلام
اتحققت لاحلام
وخلاص بقالك سند.
مدت ايديها حنان 
وقالتلى يا غلبان
: اكدح جهادك وجب

وكأنى لحضتها خلفت نص البلد
وقبل اما الوجع يشتد
كان لابد ..
افوت على بيتنا اللى كان

وارتاح على عتبة زمان  
وارمى السلام بنظرتى 
ع اللى ناموا فى الطريق 
نومة وجع

من غير خجل
وبالعجل

 اصهر سنين العمر
في درب الزحام دمعه
وارسم على

سقفى الجريد شمعه

وحوض صبار
فركة كعب
واتمطت..
بقت مشوار .
ياكام مشوار
كام مشوار ؟
دابو فى كعب البت
وكام مشوار مستنين يا ست
وانا ليكى راجع 
كل يوم.. بكيس خضار دبلان
والناس بتتفرج عليا
زى دلوقتى 
وانا حنب منك منور 
كوشة الحرمان .
يا شمعدان عمرى 
وحياتى يا قمرى
متزعليش منى
لما الفرح يخلص
وانيمك بحليم
واسهر ارتل صورة المعازيم .
الشعر لحظة توهج 
لو سبتها تنطفى
الشعر لازم تعرفى
انتى اللى من بعده
انا لو نويت اكتب
عليكى النيًه بالهجره

فمتزعليش مني لو طفيت نارى

وحرقت فيكي الشوق .
ومتبعديش عنى
 ومتطلبيش منى الفراق..

..................................

شعر / حمدى محمد حسين