سألوا يعنى أيه كلمة وطن
قلت بمبى وردى أخضر 
يا ريت 
كنت رسمتها على كل 
شارع وحيطة وبيت
دورت فى كل مكان وبصيت
لقيت وطن متهان
قلت أسال بتاع الجرايد
مثقف وقاعد مبيهموهوش
قال الوطن يعنى كلام مرسوم 
يعنى عيون بتقرا ببلاش
تبص على العنوان تلاقى فساد
تمصص شفايفها وتقول 
يعيش
بصراحة ردة معجبنيش
قلت هناك على القهوة 
باين عليه بيه من البهوات
أكيد يعرف معنى الوطن 
قربت منه على حذر
ممكن أسألك ؟
يعنى أيه كلمة وطن؟
رد بحماس قلب شقوه 
من الحجر
أنا وطنى هناك بين 
الشواهد والقبور
اللى اتعلموا السكات 
من سنين 
ولما نطقوا أخدوا لقب 
شهيد
والباقى منهم زى حالى
على القهاوى 
ما يملكوا غير الحديت 
وراح منى شارد بعيد
سد نفسى عن الكلام 
قررت مسألش تانى عن الوطن
فى بطون جعانة 
وقلوب متألمة 
وعيون زاغت عنها الحقيقة
ان الوطن لسة يا ناس متهان