طبعا عنوان غريب
بس الصراحة ان مش العنوان بس اللى غريب لا ده الموضوع كله
لاحظ المصريين جميعا هجوم كبيــــــــــــر من الناموس على كافة المحافظات
والطبيعى ان الكل بدا يلقى اجمل الالفاظ على وزير الزراعة اعتقاداً منهم ان السبب المبيدات والمواد الرش الزراعية
بس للاسف الموضوع مش كده
الموضوع افظع من كده
كتير منا عارف ان الناموس مكانه الاساسى فى البرك والمستنقعات
واللى خلا الناموس ترك مكانه
الساده رجال الاعمال وبعض المصدرين اللى دماغهم غريبة
بيصدرو الضفادع لفرنسا لان فى فرنسا كما هو معروف بياكلو الضفادع
والضفادع بتاكل الناموس
فالوقت ما فيش ضفادع
فالناموس مش لاقى حد يكله
فبدات دورته فى الحياه تكمل
فبياكل فينا احنا
علشان رجال الاعمال يكنزو فلوس
اصلهم غلابا مش لاقيين ياكلو (هههه) ربنا ينتقم من كل مفترى
واللى ينرفز انهم كانو عارفين ان ده هيحصل واننا هنعانى من نفس المشكل اللى عانا منه بلدان كتير قبلنا بسبب نفس الغلطه بس الظاهر اننا مش بنصدق غير لما نجرب
زى الطفل تقوله خلى بالك هنا فى كهرباء او كخ ..... صعب ان الطفل يسدقك ويتعلم غير لما يتكهرب ويفضل يعيط لغاية ما ينهد من العياط
بس للاسف احنا هنعيط لغاية ما الصيف يخلص
علشان رجال الاعمال يكنزو الفلوس
والشعب الفقير الغلبان يعيط
طب ما نشترى مبيد للناموس
يعنى المبيد غالى ؟؟؟؟؟؟؟؟؟؟؟؟
المشكل مش فى سعر المبيد المشكل فى الامراض اللى بيجبها المبيد وريحت المبيد اللى زى الفل لاتوصف وناهيك عن المبيد اللى بدون رائحة واللى بيجيب الربو اللهم احفظنا
علشان رجال الاعمال يكنزو الفلوس
وفى شوية ............ قالو
انتو شعب حقود ليه هو يعنى علشان الناس شغلة مخها ولقت مصدر دخل حلو والجماركها مش كتيره ولا عليها ضرائب تتطلعولهم فى النص وتقولو الناموس مديقنا
استحملو شويه انتو ايه ده كفياكو حقد
ايوه فعلا لازم نستحمل
بس ربنا يكتب لنا بكل لسعه ثواب
انا عن نفسى كرهت النوم بسبب الناموس وكرهت شغلى بسبب الناموس
وكرهت اصحابى علشان لما حد ينادى عليا بكون مضطر افتح الشباك واقف احكى معاه واخلى البيت مستعمرة ناموس وكرهت المبيد الحشرى
كنت بتكلم من يومين مع مهندس زراعى تخيلو قالى ايه علشان الناموس ميلدعنيش
ادهن جسمك بعصير ليمون مركز
ههههههههههههههه
والله فعلا هم يبكى وهم يضحك
ومن ضمن كلامه قال اصبر وهتشوف كم الامراض اللى هيسببها الناموس قد ايه وان من المتوقع ان يظهر ما بين 15 و20 مرض مع انتهاء فصل الصيف
ولسه
ولسه يا مصر
ولسه
ربنا يصبرنا
نشرت فى 1 يونيو 2006
بواسطة gado
عدد زيارات الموقع
894,377
ساحة النقاش