القدس قدسى
يمامة صيف فى غيتها...تطير تجينى باشواقها وغيتها
فكرانى من يد صيادها....أنا غيتها.......
فاكرانى صوت الأذان الحى فى حطين......
ومخبى فى ضلوعى قلبك يا صلاح الدين.....
.شايل صراخ اليتامىولوعة المساكين
فكرانى كفن الشهيد....
وخيمة اللآجئين...وأول الاتقياء....وأخر الهاربين
تجينى وتبوسنى ......وتملس على خدودى
هاربه بحدودها.....القدام....تتحامى فى حدودى
تبكى على صدرى دبكة حزن على عودى...
تبكى ...وفاكره..حاهدهدها..واسكتها...
أنا يالى من موت شراينى...اتنسج...موتها
وصوتى يوم الغنا..الباطل ...بلع صوتها
مافيش فى قلبى ولا آهه....أموتها
كل الآهات ميتة......أنا حبيس همسى
نزعت صورتها...من بكرايا.....من امسى
حطين ولا حطينى...ولا قدس الهموم قدسى
ولا عارفه تنسانى..زى ما تهت ونستها
القدس... تيجى يمامة نور مطفية
طالعالى من البرد للصيف..الجديد تسعى
فاكرة فى كفى طعام...وفى قلبى اخاويه
هى الى مش واعيه ولا أنا الى مش بوعى
لا دمع يسقى عطش عينى ولا ميه
يا حزن...لا ترجمه آهه...ولا دمعه
ما كنا فاكرنا أطفالك يا ست الكل...
الكذب ما يجبش همه ...احنا مش أطفال
وكنا فاكرنا أبطالك......أيادى السيف..
سيوفنا من..قش ودى مش أيدين أبطال...
ضيعنا عالقهوة..نص العمر نتاوب...ننتظروا من ربنا تتحسن الأحوال
يا قدس لمى جناحك...وأرجعى تانى
لا تصدقى قولى...ولا تأتمنى أحضانى
نامى فى حضن العدو..هو العدو الأول...
يا قدس خافى قوى من العدو التانى....
الخنجر المختفى وانت فاكراه ضلع...
الأفعى ورا ضحكتى ...والموت فى أسنانى
صفحتى فى النضال بيضه بياض الثلج..
لمى الجناح...البنانى فى قلبى مسكونه..بيمام غريب الوطن
حبيته يوم ما رطن...يوم ما ألتهم خضرتك...فدان ورا فدان
يوم ما طرد أسرتك أنسان ورا أنسان..
يوم ما هدم مدنتك...وكسر الصلبااان...
يا قدس قولى لحيطانك...أثبتى بقوة
حيخلصك أبنك ..ألى انا ماهوش هوه
لا تبحثى عن حلول....الحل من جوه......الحل من جوه