من أغاني الربابة
******
عزف الربابة و دا فنّي
و ف حبه ميت و دفنّي
في الشعر و الناس عارفنّي
وليه هتاكل حق الناس
حق الناس حق الناس
طب ليه هتاكل حق الناس
حتى ف كلامك كدابوك
طب راعي راجل كد أبوك
لو كنت واكل كد أبوك
طب ليه هتاكل حق الناس
حق الناس حق الناس
طب ليه هتاكل حق الناس
كم مرة عدلت عمايلك
و لا حد ف اهلك وعى ميلك
لو كنت واقف راعي ميلك
وليه هتاكل حق الناس
حق الناس طب ليه
هتاكل حق الناس
حتى البيبان جبت ضلفها
سديت سامرها و طرفها
و بشوكة ف العين وطرفها
وليه هتاكل حق الناس
حق الناس حق الناس
طب ليه هتاكل حق الناس
كالفقر دوغري قاعد وحدك
و الكل كارهك ليه جاحدك
و لو زدت مرة عن حدك
وليه هتاكل حق الناس
حق الناس حق الناس
طب ليه هتاكل حق الناس
ادعي عليك ربنا يهدي
تقف ف عمايلك و تهدي
و امنت لك و تخون عهدي
وليه هتاكل حق الناس
حق الناس طب ليه
هتاكل حق الناس
