حكاوي المسحراتي
الحلقة ا(( 11 ))
صحيت و ناوي
طب فين سحوري
و الجيب و خاوي
من نار فطوري
من نار فطوري
و مين يداوي
يا حكومة غوري
تكفي البلاوي
أنا خدت دوري
الأكل ولع
و الحال دا واقف
مش قادر أدفع
و الكل خايف
و لا حد يسمع
أعمى ما شايف
و لا تمر ينقع
و لا فيه قطايف
طب صحن فول
أو حتى طرشي
ع العقل قول
لسه ما طار شي
تخاريف عقول
جوعان فطرشي
بكرة تنول
في الجنة تمشي 
تحول المسحراتي إلى واجهة أو جريدة تعكس حالة الشعب تبرز همومه و مشاكله تعالج قضاياه بأسلوب غنائي متفرد من العبقري سيد مكاوي عندما كانت الإذاعة المصرية حضن يلتف حوله كل الوطن العربي و شكلت الثقافة العربية و قيم الولاء و الانتماء للوطن العربي الكبير قبل أن يشد البساط من الإعلام المصري في العصر الحديث . يقول فؤاد حداد 
مسحراتى 
منقراتى
منجراتى
دواليب زمان
ماتشتكوشى
دقة شاكوشى
جت فى الاوان
يا ناس حبايب 
يا ناس جيران
انا قلبى دايب
على البيبان
عجوز شويه
لكن عينيه
روحين حنان
لا ظنى سيء
و لا جبان
درويش و أسطى
و شيخ كمان
و فى عبى قطه
ازاى حتلعب
فيه الفيران
تسألنى باتعب
أقول صراحه
شقايه راحه
قوة حصان
لاجل و عشان
قبول عيالى
فى الامتحان
و انا فى بالى
حاجات جنان
من الطبالى
اعمل صيوان
و ابنى لخيالى
اربع حيطان
دا انا فى انتقالى 
من اولى ساقيه
لسد عالى لقيت مكان
سيرى يا موجه
بالتكنولوجه
لبر الامان