أغنية للأطفال المقطع الأول جماعي ثم كل طفل يغني مقطع و يكرر الاطفال المقطع الأول
.................................
عيدنا يا عيد و يا عيد و يا عيد
طالعين كدا و اللبس جديد
من فرحنا هنقول و نعيد
عيدنا يا عيد و يا عيد و يا عيد
*********
الطفل الأول
عيدنا مبارك عيدنا الأضحى
فرح يقول للغافل أصحا
نستقبله بالشوق و الفرحة
فرح يخلي القلب سعيد
************
عيدنا يا عيد و يا عيد و يا عيد
طالعين كدا و اللبس جديد
من فرحنا هنقول و نعيد
عيدنا يا عيد و يا عيد و يا عيد
*********
الطفل الثاني
عيدنا بفرحة و عيدنا الأكبر
يسعد قلبي و روحي تنور
نرقص كدا و نهلل اكتر
و نشوف فرح وسعد أكيد
**********
عيدنا يا عيد و يا عيد و يا عيد
طالعين كدا و اللبس جديد
من فرحنا هنقول و نعيد
عيدنا يا عيد و يا عيد و يا عيد
**********
الطفل الثالث
عيدنا بحب نزور أهالينا
نسعدهم و يحنوا علينا
بفلوسهم راح نملئ أيدينا
نشترى لعب بشكل جديد
**********
عيدنا يا عيد و يا عيد و يا عيد
طالعين كدا و اللبس جديد
من فرحنا هنقول و نعيد
عيدنا يا عيد و يا عيد و يا عيد
**********
الطفل الرابع
نفرح نسعد كدا بعضينا
و لا فيه حد تعيس وسطينا
ايد واحدة كدا على أعادينا
و نعيد مجد عظيم و تليد
**********
عيدنا يا عيد و يا عيد و يا عيد
طالعين كدا و اللبس جديد
من فرحنا هنقول و نعيد
عيدنا يا عيد و يا عيد و يا عيد
**********
الطفل الخامس
عيد برسولنا الهادي الأعظم
علمنا للفقراء نكرم
هديه محبة للناس ارحم
أصل الحسنة ثوابها يزيد
***********
عيدنا يا عيد و يا عيد و يا عيد
طالعين كدا و اللبس جديد
من فرحنا هنقول و نعيد
عيدنا يا عيد و يا عيد و يا عيد
***********
الطفل السادس
عيدنا يا رب تكون أعيادنا
أمن و خير و رخاء لبلدنا
هدي و علم إيمان لأولادنا
و نغني بالفرح نشيد
***********
عيدنا يا عيد و يا عيد و يا عيد
طالعين كدا و اللبس جديد
من فرحنا هنقول و نعيد
عيدنا يا عيد و يا عيد و يا عيد
***********
كل الاطفال
يا ربنا و بحق رسولنا
بالإيمان نور لعقولنا
و الجنة هتشتاق لوصولنا
و اجعل عيدنا دا احسن عيد
