هو
جايه لي بدلال و محبة وخوف
قال ايه بتقول لي زيد المصروف
ما الفيزا في ايديها وع المكشوف
قلت لها منين طب بس يا ريت
و انا كنت ازيد مصروف البيت
هي
قال ايه بســلامته بألــف جنيه
محتاج لحمام و الرز كاريـــه
طب بس قولو لي أنا أعمل أيه
و البركة انتزعت و لا فيه زيت
و أزاي يكفيني مصروف البيت
هو
يا أخونة قولولها إني أنا محتار
و لا مال متشال و مرتبي طار
غضبانه مني وأنا مالي يا دولار
أنا عايز اتغـــــدى و لو أمليت
و أزاي يكفيني مصروف البيت
هي
أمليت . صحصح شوف تمن البيض
ما خلاص راحت السبعة البـــــيض
دا الفقر في مصـر طويل و عريض
من الفــكر خــــــــلاص أنا أتجنيت
و أزاي يكـــــــفي مصروف البيت
هو
طب كوني واقعية بلاش كـــــوافير
و قناع و كريم علي إيه المــــانكير
ودي حــاجة الفــم تحــرم ع الغــير
يمـــكن نقــدر و أقــــــــولك جــــيت
بــــــكرة يكــفي مــصـــــروف البيت
هي
على إيه كــــــــوافيرما خلاص سبناه
من يوم مـــــــــا عرفتك و لا شوفناه
و لا شئ غير هـــمك إيه كســــــبناه
و الفــــقر في رجلك و يـن ما مشيت
طـــب كيف يكــــفي مــصروف البيت
هو
النســــيان طبــــعك و مـش شــارياه
لو يــوم ينــســاكـي هتــجــري وراه
و انــا فـضـلـي كـبــير و كمان ناكراه
لـــو حـتـى فــي حـبـك أنــا غــنــيــت
طــب كيــف يكــفي مــصروف البيت
هي
طب قوم شوف بنتك عايزة فلوس
كتب و كراريس و اقلام و دروس
كبسول برشام و حقن و لبوس
من الغلب اه يانا ليه كدا مليت 
طب كيف يكفي مصروف البيت
هو
يا حكومة بصي لنا بلاش دا كتير
و اللـحـمة رخـيصـة و الرز وفير
طــب ايه رأيكم و بــدون تــفـكير
و لا عايز مرتب و لا يوم زيت
و اتولوا انتم مصروف البيت

اسكتش غنائي ساخر