ردا على من يحارب الحجاب
***********
اخلع الحجاب
يا صعيدي روح احلق لشناب
و اخلع لثياب
مرتك و راح تخلع لحجاب
و تلبس فساتين
..........
يا مصري فين عقلك يا امير
شلة خنازير
قال ايه حجاب امنا هيطير
و نقعد ساكتين
...........
سايبينكو تمشو علي هواكم
و لا ننساكم
ع الشط و لا حد اذاكم
طب ليه قاسيين
..........
يا ناس سيبونا كدا ف حالنا
وف اوحالنا
ليه عن بيوتنا ترحلنا
و نصير لاجئين
...........
معقولة دي مصر يا عبلة
و حريم هبلة
عايزينا نرقص ع الطبلة
وسطنا بيلين
...........
بقي هي ديه الحرية
فسوق و اذية
و شرف الأم المثالية
منكم نروح فين
...........
يا للي تقول اخلعوا لحجاب
برة يا نصاب
ده أمر حشمة و كله صواب
بيه أمر الدين
...........
في البيت مراتك ليك تحكم
و جاي هنا ترسم
طب بص علي صورة مريم
بوقار و حنين
........
طب اعمل ايه عقلي صعيدي
عزتي عيدي
شعر المرة يشوفه هريدي
و قعتكم طين

‏‏ا

هيافة
علمتوا الفار يبقي رومانسي
و ف عيد الحب يجيب دباديب
مع انه لا مذكور ولا منسي
و ف حضن القط يموت حبيب

أميرة
يا حليوة خـــايف ألــومك
دا الحب في القـلب ولعة
خايف لا تقـــــولي لامك
علي حبي و هواه و ولعه...