(((((مصر مش للبيع )))))
جاي تقول الأرض أرضي
و ف جرابك مليارين
و الوثائق بنكنوت
و الأدلة عارفها زين
بس لحظة
رايح اقولك و ف ودانك
كلمتين
لما متنا علي ترابها
سكتوا ليه
لما جه ديان خرابها
عملتوا ايه
لما قلبنا شال عذابها
كنتوا فين
احفروا فيها تلقونا
دم أحمد عضم مينا
فوق ترابها الناس شافونا
و البطولة كتير روينا
بالدماء و في قلب سينا
و بكاسات العار سقونا
و انتصرنا
و بكرامة رجعت لينا
تشتروها بمية ريال
هي دي روح الأخوة
مش بجلباب او عقال
انتبه دا لمصر قوة
بكرة يغنينا بحلال
و الجزر فالقلب جوه
مصر مش للبيع يا صاحبي
ايوه ارضي هي ارضك
يا ما قلبي هواك و صاح بي
بالحياة أنا احمي عرضك
و بكتير اديت بقلبي
ليه كسيت بالذل قرضك
لو ترابها قصاد حياتي
تهون حياتي
لو إعانتك تحيي ذاتي
أموت بذاتي
مصر فوق
ايوه فوق
اصح فوق
اه كتير ممكن نجوع
بس اوعا في يوم
تفكر...
نرتضي بذل الخضوع
أو لغير الله نطاطي
أو لغير الله خشوع

ت