<!--
<!--<!--[if gte mso 10]> <style> /* Style Definitions */ table.MsoNormalTable {mso-style-name:"Table Normal"; mso-tstyle-rowband-size:0; mso-tstyle-colband-size:0; mso-style-noshow:yes; mso-style-priority:99; mso-style-qformat:yes; mso-style-parent:""; mso-padding-alt:0cm 5.4pt 0cm 5.4pt; mso-para-margin:0cm; mso-para-margin-bottom:.0001pt; mso-pagination:widow-orphan; font-size:11.0pt; font-family:"Calibri","sans-serif"; mso-ascii-font-family:Calibri; mso-ascii-theme-font:minor-latin; mso-fareast-font-family:"Times New Roman"; mso-fareast-theme-font:minor-fareast; mso-hansi-font-family:Calibri; mso-hansi-theme-font:minor-latin; mso-bidi-font-family:Arial; mso-bidi-theme-font:minor-bidi;} </style> <![endif]-->
غراب
كشف الغراب كل الحجب
ما وجدشي غير أرض العرب
أرض يفرقها اللهب
الحق بالوهم اتحجب
و الفحش صار أصل و نسب
تسرق تصير شيخ الأدب
تمشي بضمير
هتكون مدب
عقل الحمار
أحسن خيار
والعقل صابه
خيار عطب
( 2 )
الحب عطاء و احنا بندي
و في بحر الشوق بنثر ودي
علي رمش عنيك يا نا يا وعدي
لهلبت القلب بنار أهدي
دانا حبي اليك واخده تحدي
معقولة هتقدر علي جهدي
سلم في الحال انساك دا محال
لا تكون نهايتك علي يدي
قلبي و قلبك كده طايرين
و في بحر الغرام هايمين
امسكي ايدي و حسي بنبضي
تلقي الدقة قوام بتنين
( 3 )
شمس الدجي لغرمنا تنير
حبنا خالد كده محمود
قلبي الماهر مليان خير
دايما حافظ كل عهود
ابواب قلبك مغلقه ليه
افتح مرة تلقيني جنبك
و الله بحبك يا ابن الايه
و كمان عقلي اتجن بحبك
( 4 )
قلبك المؤمن إمام
بيرشد قلبي و بيهدي
أنت نور عالي المقام .
للخير بتعطي و تهدي
( 5 )
اوعي تفكري يوم انساكي
أنس الناس و اتوه في سماكي
قلبي الهارب سابني و جالك
و ايه حيلتي و العقل معاكي
الحزين في البعد عنك
.و الفرح بالقرب منك
قلبي فهم الدرس .
قال لي
دنيته بتدور في حسنك
((6 ))
أنت الملك
علي عرش قلبي اللي هلك
و في نار هواك طب و سلك
و انا اعمل ايه
ما انا كلي لك
(( 7 ))
انشر ضياك فوق في الفلك
تطراح غرام من شوقه لك
انت الهيام ما أجملك
و القلب بغرامك ملك
لنهر الحب متولي
و للأخلاق كده حافظ
حديثة روعة و تملي
و حتي اسمه علي حافظ
( 8 )
يا عزة الحب في قدومك
و كل السحر في هدومك
و لما الشعر بيزورك
تلاقي النور ملي يومك
( 9 )
مساء الفل و الرفعة
علي الشاعر و من رفعه
بقول السحر قد وضعه
في كفه بحور من المتعة
بصوت الشعر أسمعنا
و اطربنا و متعنا
كلامنا سجال و له معني
يخلي القلب يطاوعنا
فانثر زهرك الناضر
تداوي كل أوجاعنا
و مهما تقول
تملي نقول
بفن أصول
لأشعارك أكيد جوعنا
