زمن الغراب
*****
غراب وشاف عصفور
راح قال له سيب عشك 
حــاجب علــينا النــور
و زهقنا من وشـــك
بين الفلل و قصـــور 
طب كيف يكون قـشك
في مصــيبة أبعد غور
لحسن أجيب كرشك
و ابعت لك المأمور
يرميك يضيع عفشك
رد له قال فين أروح
و أسيب تراب بلدي 
لو خدت مني الروح
راح يصحا ليك ولدي 
لو كنت غاوي جروح
تلقى الرصاص ردي 
و مهما تبني صروح
ما هتنجو من يدي
لو فاكر إنك فــــوق
و بقيت من الحكام
أرجع لعقـــلك فوق
ما تقولي طرحك كام
بالذوق دا لو ما تروق
هتصير تراب وركام
ربك و لــيه أحــكام
و الموت ييجي يقشك