حكاوي المسحراتي
(( الحلقة 19 ))
يا مين يصحي العرب ؟
الكل ضل و تاه 
القدس تحت اللهب

تصرخ و يا غوثاه 
من عار وخزي النسب
أهين و مليون آه
***
و نغني كمان
و بلحن حزين
يا صلاح الدين
يا بطل حطين
القدس حزين 
ماسور يبكي
****
حكام في أيدهم دهب
و شعوب تقول لله 
يمني و من غير سبب
يقتل و يا ولداه
في سوريا بيت يتخرب 
ايه ذنب طفل جناه
***
و نغني كمان
و بلحن حزين
يا صلاح الدين
يا بطل حطين
القدس حزين 
ماسور يبكي
****
غزة ف حصار اتكتب
و لا قلب رق معاه
و شهيد لجنة طلب 
و جريح ما لاقي دواه
حالنا عليه العجب
القتل فينا حياة
***
و نغني كمان
و بلحن حزين
يا صلاح الدين
يا بطل حطين
القدس حزين 
ماسور يبكي
***
وفساد لخيرنا نهب
ما خلى حاجة وراه 
حتى دوانا سلب
و لا عادشي يرجى شفاه
ما احوجنا الى المسحراتي لايقاظ الضمير العربي لتوحيد القلوب لازالة الهوة بين الحكام و الشعوب فكل حكامنا في ابراج عالية لا يعيشون واقع شعوبهم و لا يعلمون ما يعانوه من مشقة العيش و من قهر معنوي بالرضوخ للعدو الاسرائيلي او الامريكي يا مسحراتي الضمائر اين انت ؟ 
يقول فؤاد حداد
أنا كنت فلاح 
وكان محراتى آه ورا آه 
وكنت عامل
ما حدش قدره ورآه 
وكنت شاعر 
تئن اقلامى يا ورقاه 
دلوقتى صوتى فرايحى
فى العزيق والحرت 
طبلت أنا وسحرت 
قبلت أنا وبحرت 
وصبحت أنا مسحراتي 
سمع الدنيا 
ودب مطرح ماحب
وكلمته العليا 
يمن فجر يوليه 
اللى شافه وطيبه ورقاه 
نده عليكى 
كأن الدنيا نادهالك
قولة ياليلى
ليالي العمر قادهالك 
يا عينى بالمواويل 
الحمر قادهالك
غنى الأمل 
والشهامه والفرح والنصر 
ولولاكي يا مصر 
كان قلبه رقد هالك
اصحى يانايم 
وحد الدايم 
السعي للصوم 
خير من النوم 
دي ليالي سمحه
نجومها سبحه 
اصحى يانايم
يانايم اصحى 
وحد الرزاق