االحلقة ( 22)
أسعار تزيد
صالح المواطن
عايش شريد
و لا فيه مساكن
و الجهل سيد
و الفقر كامن
و أقول و أعيد
بلدي ولكن
فيه ألف أيد
تنهش في شحمي
ماشي طريد
و لا حد يحمي
مقهور وحيد
و السيخ دا محمي
مؤلم شديد
مغروس في لحمي
لو قلت آه
هيقولوا رافض
و الكل تاه
و لا حد ناهض
و الجسم مات
و لا قلب نابض
فينك يا عدل
أسدك ما راكض
انهض و ذل
كل اللي قابض
على ذل شعبه
كالصخر رابض
لهيب الأسعار و جحيم التجار و الجو نار و لا ملجا الا لله الواحد القهار رفقا بالفقراء ارحمو من في الارض يرحمكم من في السماء و كفى اذلالا للشعب فلا يعقل ان تكون زيادة سعر اي خدمة في صالح المواطن و ان كان و لا بد من زيادة الاسعار فارجوكم بلاش التبريرات الاستفزازية بل اعلنوها صريحة اللي مش عاجبه يضرب دماغه في الحيط و سنضرب دماغنا في الحيط أهون علينا من قبول هذه التصريحات المستفزة .
يقول فؤاد حداد
مين اللى فنان بحق
سر الصبا و الحنين
قلب الزمان اللى دق
ريشه فى ايده اليمين
مين الاشد الارق
على المحبه أمين
شعاع من الفجر شق
يكافىء السهرانين
و كان فى نية بلدنا من سنين و سنين
و أمل فى حضن السما و عرق بيسقى الطين
و هلال مع الطير يوالى الخير على الفدادين
و البحر حط المراكب بالحنان الواجب
ع المينا يا اسكندريه كان بيقصد مين
الموج بيضرب بيضرب
الايام تقرب تقرب
اَسمع (( بلادى بلادى. ))..
تعرف قلوب مصر ماشيه العصر و السكه
و الشمس نازله تُغْرُب
الشمس طالعه تنادى
على بيت فى كوم الدكه
نفرش تلات عتبات
و نفرّق الشربات
تطلع معاك الضحكه
زغروطه من الف جيل
آه يا المعلم بحر
صَبَح صباحنا جميل
صبح أمالنا نبات
قادر يشق الصخر
من كتر شوق النيل
قادر يلاغى الزهر
من طاقه المواويل
و من اكتمال الصبر
طافت عليه و يطوف
على البلاد من حوارى و من زقق وعطوف
يخطر فى باله النغم يلاقى النغم مقطوف
