بسم الله الرحمن الرحيم
السلام عليكم ورحمة الله
من فضل الله على ان رزقنى مدرسين تربية فنية رائعون وانا فى المرحلة الإعدادية .. لم يبخلوا على بأى نوع من الفنون . وبالطبع وجدوا فى الموهبة وسرعة التعلم .. من هذه الفنون عجينة السيراميك .
حين أردت أن أعلمها لأخواتى وإخوانى كان لابد من وجود كاميرا ليصورنى شخص وأنا أصنع العجينة . وأيضا وأنا أصنع منها الأشكال .وأيضا الاعمال القديمة لى
ولعدم استطاعتى تدبير كاميرا . لفيت الإنترنت لعلى أجد صور تشرح هذا الفن الجميل وفعلا وجدت ما يكفى منها والحمد لله........... وأنا أقدمها بين يديكم لتدعم شروحاتى
يالااااه بينا......يالاااااه
أولا مكونات عجينة السيراميك:
1- نصف كيلو غراء ابيض ... بتاع النجارين
2- نفس الكمية بالضبط نشا ...طبعا عارفينه
3- 2ملعقة كبيرة زيت الفازلين . أو فازلين وسيحه فى حمام ماء دافى. وطبعا بيباع فى الصيدلية
4- 2ملعقة كبيرة زيت برافين ........ من الصيدلية أيضاً
5- قليل من ملح الطعام الناعم جدا .. يعنى حوالى نصف
ملعقة . وذالك حتى لا تتعفن العجينة
_______________________
طريقة التحضير :
شوفى يا ست لولو أنتى تجيبى طاسة تيفال الى مايلزقش
فيها الحاجة . وتفضى فيها الغراء وبعدين اغسليها ونشفيها
وحطى مكان الغراء نشا لنفس الأرتفاع الى كان عليه الغراء
وحطى النشا على الغراء فى الطاسة وباقى المواد. ونقلب
بملعقة خشبية . ونضع الطاسة بالمحتويات على نار هادئة
ومع التقليب المستمر بالملعقة الخشب حتى تتكون عجينة
متجانسة . ثم تنزل من على النار وتبرد قليلا وتعجن باليد
بعد دهان اليد بالجلسرين أو كريم نيفيا سوفت أثناء العجن
الصور سوف تبين ما قلته .
الغراء نضعه فى الطاسة
وهنا بنعلم مكان إرتفاع الغراء بقلم جاف أو فلوماستر عشان نحط مكانه النشا
وده بقى النشا نحطه على الغراء............. وبعدين نحط باقى المكونات مش محتاجة صور
كده المكونات كلها فى الطاسة
نقلب على نار هادئة
شوفوا شوية شويه العجينة بتلف معانا وبتتماسك
لازم التقليب المستمر
ندهن ايدينا بالكريم أو الفازلين ونقلب بإيدينا
بنكمل عجنها بإيدينا. وطبعا بندهن ايدينا كريم او فازلين
وبعدين نضعها فى كيس أو أكياس نايلون وتوضع فى الثلاجة لوقت الأستعمال
___________________________________________
ممكن نلون العجينة قبل ما نشكلها . حسب تقديرنا للقطعة التى نحتاجها أخضر ثم القطعة الأحمر
ثم الأزرق يعنى زى ما أحنا عايزين. بالوان الجواش أو الوان الزجاج التى تخف بالماء
أو الوان السيراميك . أو نتركها بيضاء ونلون بعد التشكيل وتمام جفاف العمل الفنى
_______________________________________
ودلوقتى طريقة تنفيذ بعض الأعمال بالصور مع ملاحظة أن الصبر والتركيز وحب الفن مطلوبين
لأنجاح العمل . لآنه محتاج صبر وهدوء. ويد حساسة . وطبعا يد الأنثى أقدر على ذالك
____________________________ خلوا بالكم لآنى مش حتكلم
علبة مثل هذه وطريقة تنفيذها كالآتى ....خلوا بالكم
خلى بالكم التشكيل بأى الة أو شيىء متوفر يؤدى الغرض وليس آلة أو أداة معينة . بمنتهى الحرية . وومكن تستعملو قوالب تشكيل الكعك وخلافه . وممكن هذا القالب وبفكرة أبن الجنية
جمال على...... تروحى للراجل الى بيبيع افلاع الزرع والورد البلاستيك ونقى الى يعجبك
روحى البيت قطعيهم الى أوراق وبتلات الورد وخلافه , أدهني وجه منهم بالصابون السائل والزيت
حضرى كمية الأشكال قريب منك . أعجنى شوية جبس فى غطاء علبة أو صندوق صغير .
وهوا لسه الجبس طرى اسقطى فيه بسرعة الأوراق وكل ماتريدين عمل فارمة له من ناحية الوجه
المهون بالصابون والزيت أو ورنيش مانع الألتصاق . بس بعد ما يجف الجبس أنزعى الأشكال برفق . ساجدينها خرجت وتركت على قالب الجبس شكلها ورسمها وحجمها . ذى كده
لما تحبى تشكلى حاجة ضعى العجينة فى المكان واخرجيها برفق تجدينها متشكلة بالحاجة الى أنتى عايزاها وكملى لمساتك الفنية وصلحى أى أخطاء وكملى العمل
_____________________________________
نشوف نموذج آخر
هنا بنستخدم السلك
أرجوا أن أكون وفقت فى الشرح . وسوف أوافيكم بالمزيد إن شاء الله
تحياتى ................... وتحت أمركم فى أى سؤال
ساحة النقاش