وكان لازم اكون اقوى 
يعنى
ابص في عينيها / وانا بحكيلها اوجاعى 
واشيل فكرة انها تزعل 
ولا تضايق 
ولو زعلان ومش رايق 
اقول واحكيلها وافضفض 
كان لازم اكون اقوي
هي بجد لو حباني 
هتستحمل 
وهتكمل
 لاخر لحظه ويايا 
انا بستنى جوايا / لما بروح اقابلها 
بكون غيري 
وقندلها 
ويبقي كلامي مش مني / ولا ليها 
تلف عينية ميت جيها 
علشان ماترحش ناحيتها
وطبقة صوتي اوطيها 
واترجلها ضحكتها
انا لو جد حبيتها 
كان لازم اكون اقوي
كان لازم اكون واضح 
وقول للورد لو كالح 
عيوب الوانه واوصفها 
واتغنابها وانصفها /  لما في لحظة تعجبني 
بحب الضحكة اللي بتغني 
واحب الرمش والنيني 
واحبك / لما بتسيبني  
اقول واحكي اللي جوايا 
فاكر مره / وانا معايا 
وكنت معانا م الاول  / في كام  موقف 
كنت بخبي وأألف 
عشان ادارى ماظهرلكش  
وكنت كتير حريص انك 
عليا في ليل ماتتعرفش
كان نفسي اكون اقوي 
عشان / اللحظه دي ماتكونش 
#عادل_عوف 
#كان_لازم_اكون_أقوى