فينكم
الهم يضحك ويبكي
وليام علينا تعكي
كيف المغرفة ماتسگي
والعقول لكلامها ماتنگي
كيف ملح عرگي
يحلى ولدمو مايزگي
يالمهول عليا ماتعول
انا بحالك نسول
ل شمن طريق نتحول
سنين عشتها مجول
بين الطرقات مغول
لا سعد عندي متول
يلا جات شتاك
تلحف يامسكين سماك
وخليها تبكي معاك
لعل القهرة تنساك
شي يوم الربيع يهواك
وتكون السبولة دواك
فينكم ياهل لوفى
والحب والجود والصفا
غدرني حالي وجفى
الشوك ادمى لحفا
والفرتالة سلخت لگفى
فينكم ياهلي ياعشراني
واش انا فيكم براني
شعلتو نار فراني
ودرتوني ضحكة لگراني
ماخليتو سعد يلقاني
مافرحتوني بكفاني
لاعين تبكي مسرورة
لاسفة بقات لي مبشورة
لاحروف ف شطايطي منصورة
حياتي مجارجرة ومجرورة
يانفسي ياالمقهورة
ماترفدك غ المطمورة
بقلم ادريس جبيلو