" أقوى خدع التسويق النفسية "

" تجميع المتقاربات Clustering "

في دراسة بعنوان : "Interpreting semantic clustering effects in free recall" ,.

اتنشرت سنة 2012 م , الباحثين عملوا اختبار بسيط , اعطوا لمجموعة من الشباب قائمة فيها 15 كلمة وقالوا لكل واحد فيهم يحفظها كويس لأنها هتتاخد منه بعد دقايق قليلة وهيكون مطلوب منه يكتب الكلمات دي من ذاكرته.الباحثين لاحظوا حاجة غريبة, معظم الشباب محل الدراسة لما جم يكتبوا الكلمات غيروا في ترتيبها, وعملوا ترتيب قريب من بعض رغم ان كل واحد فيهم كام منعزل عن الاخرين.
هما رتبوا الكلمات على حسب الموضوع فمثلاً : الكلمات التلاته دول عن الرياضة فكتبوهم ورا بعض, والكلمات دي عن الإقتصاد فكتبوهم ورا بعض وهكذا, يعني ببساطة العقل رتب الكلمات هلى هيئة تجمعات متجانسة clusters بحيث يسهل على نفسه عملية تذكرها.


مما سبق نستنتج
إن العقل بطبيعته بيحب يجمع المعلومات بأسلوب يقربها من بعض ويسهل عليه حفظها في العقل اللاواعي واستدعائها للعقل الواعي وقت اللزوم, إفتكر وأنت بتذاكر هتلاقيك بتحاول تجمع المعلومات المتشابهة ورا بعض وأحيانا بتجمع أول حرف من كل معلومة علشان تكون كلمة جديدة يبقى سهل تفتكرها وبالتالي سهل تفتكر المعلومات نفسها.

تعالوا نسقط نفس الكلام على التسويق....

وإنت بتعمل أي حملة إعلانية أو حتى وإنت بتكلم العميل حاول يكون كلامك على هيئة نقاط واضحة مرتبة مترابطة بحيث يسهل على العميل تذكرها, مثلا وإنت بتجهز صياغة إعلان وهتكتب المزايا , قسمها لمجموعة متجانسة واكتبها على هيئة نقاط منطمة, ما تكتبهاش بشكل عشوائي في فقرة من عدة سطور متتالية,
لو على سبيل المثال
بتبيع تيشرتات : فقسم كلامك لنقاط متجانسة.. مثلا هتتكلم الاول عن جودة التيشرات يبقى هتقول 3 معلومات متتالية (نوع القماشة – ثبات الألوان – بلد الصناعة) وبعدها هتتكلم عن السعر يبقى هتقول معلومتين ( السعر الحالي عليه خصم 20% - السعر الحالي أقل من باقي المنافسين ) .... وهكذا حضرتك تخلي دماغ العميل مترتبة وهو بيتلقى منك المعلومات, ويا سلام لو في الاخر لخصتله وجمعتله أهم المعلومات في أقل من نص دقيقة, ييقى تمام.

أخيرا..

أوعى تنسى تتبع أسلوب KISS في جملك , KISS هي اختصار (Keep It Short and Simple) , يعني دايما اتكلم مع العميل بجمل قصيرة وواضحة ومركزة, بلاش الاستطرادات الطويلة أو الكلام العايم لأنه هيتوه ويفصل منك ويبقى نفسه تبطل كلام وتسمعه صوت صمتك

-------------------------------------------------------
كلمنا وابدا اول خطوات للحجز والإستفسار بمؤسسة فكر للتدريب :ت: 0552361431 - 0552281431م : 01012242661- 01283487287 - 01142231169------واتساب : 01012242661------العنوان:الفرع الاول :الزقازيق _المحطه _القصر الابيض.الفرع الثاني :الزقازيق _شارع السلام _بجوار جامعة الزقازيق _عمارة المقاولون.الفرع الثالث :طنطا - اول شارع سعيد بالتقاطع مع شارع الجلاء - عماره مصر للتأمين أعلى رنين - عماره(ب)Follow us onwebsite: http://www.fekrfoundation.comInstagram: http://www.instagram.com/fekrfoundationsFekr Foundation Page : https://www.facebook.com/fkrfoundFashion Page : https://www.facebook.com/fekrfashion/Sign fashion factory Page : https://www.facebook.com/signfashionfactoryTelegram: https://t.me/Fekrfoundation2021E-mail: [email protected]